Ali Himmet Dağ
| Ali Himmet Dağ | |
|---|---|
| Melumato şexsi | |
| Cayê biyayışi | Varto |
| Biyayış | |
Ali Himmet Dağ yew nuskarê Zazakiyo, sosyalpedagogo u psikologo. 10ê Gulana 1962ine, Gımgım (Varto) dewa Uskura Pila de amo dina.
Nuskar Himmet Dağ hetani serra xo'ya 15ine dewe de mendo. Ae ra tepia şi Qırıxkhela, uca de lisa wende. Lisa ra tepia Estamol de şi mekteba berze u qedênê: Marmara Üniversitesi Basın ve Halkla Ílişkiler. Serra 1991yine de ame Hollanda. Hollanda de vırniye sosyal pedegociya sosyale wende u na cıhet de xebetiya. Ae ra tepia psikolociye wende. Nıka psikolocik terbiya u informasyon dano derheqê şideti u travma de.
Ali Himmet Dağ zeweciyaiyo u yew (jü) ki lacê xu esto.
Ey sıfte Tırki de şıiri (kılami) nuştêne, 1996ine ra tepia ebe Zazaki dest kerd şıira. Nuştê ey'ê Zazaki heta nıka pêserokanê Ware, Tija Sodıri, Zaza Press, Ma (pêseroke), Miraz (pêseroke) u Piltan de veciyay.
Heta nıka jü kıtabê xo'yê şıira "Mısaibê mı mase" 2002 Hollanda de veciya. Kıtabê ey'o newe "Çhemo wedardae" 2024 Estamol, Sancı Yayınları de veciya. Tede şıirê de "Mısaibê mı mase" u newey estê.